မဃဒေ၀ နှင့် ပုဏ္ဏားခြောက်ယောက်

    

 မဃဒေ၀ နှင့် ပုဏ္ဏားခြောက်ယောက်

မဃဒေ၀ ဟုဆိုလိုက်သည်နှင့် မန်လည်ဆရာတော်ဘုရားကြီးဟုလူတိုင်းသိကြပေလိမ့်မည်။ြ
ပည့်စုံစွာပြောရလျှင် မဟာသုတကာရီ မဃဒေ၀လင်္ကာသစ်
ကျမ်းမြတ်တော်ကြီးဖြစ်ပြီး သီကုံး  ထုံးဖွဲ့ခဲ့သော ဆရာတော်ကြီးမှာ အဂ္ဂမဟာပဏ္ဏိတ မကာရလောပအကျော် ကျေးဇူးရှင်ပထမ မန်လည်ဆရာတော်ဘုရားကြီး အရှင်ဇ၀န
၁၂၀၃-၁၂၈၂ ဖြစ်ပါသည်။ ဆရာတော်ကြီးသည် မဃဒေ၀လင်္ကာသစ်ကျမ်းအပါအ၀င် ကျမ်းစာပေါင်း မြောက်မြားစွာကိုရေးသားပြုစုခဲ့ပါသည်။ မဃဒေ၀လင်္ကာသစ်ကို ဆရာတော်သည် ၁၂၆၆ခု တော်သလင်းလပြည့်ကျော် ၁၄ရက် သောကြာနေ့ည၈နာရီ အချိန်တွင် အောင်မြင်စွာ
စီကုံးရေးသားခဲ့ပါသည်။ ဆရာတော်ကြီးသည် ငယ်စဉ်အရွယ် စာပေလေ့လာစဉ်အချိန်က အထူးကြည်ညိုခဲ့ဘူးသည့် နေမိဇာတ်တော်လာ မဃဒေ၀မင်း၏အထ္တုပ္ပတ္တိကို  ၀ိတ္တာရ ဝေဖန်၍
 မြန်မာစကားသံဖြင့် လင်္ကာသွား ဝေဖြာအောင် စီကုံးရေးသားတော်မူခဲ့ခြင်းဖြစ်ပါသည်။ မဃဒေ၀ဟူသော ပုဒ်၌ မဃသဒ္ဒါသည် နှစ်သက်ခြင်းအနက် မဃတိုင်းဟူသော အနက်တို့ကို ဟောသည် ။ဒေ၀ါသဒ္ဒါသည်ကား နတ်အနက် ဘုရင်အနက် မိုးတိမ်အနက် ကောင်းကင်အနက်တို့ ဟောသည်။ မဃဒေ၀ နှစ်ပုဒ်ပေါင်း အနက်ကား ပြည်သူတို့ နှစ်သက်သောမင်း သို့မဟုတ် မဃတိုင်းကို အစိုးရသော မင်းဟုဆိုလိုသည်။ဤမဃဒေ၀ဇာတ်တော်ကို ဦးစွာကဗျာလင်္ကာဖွဲ့ဆိုသူကား သျှင်အဂသာမိ(၈၄၁-၉၁၄)ဖြစ်လေသည်။သျှင်အဂသာမိသည် သက္ကရာဇ် ၉၀၀ပြည့်နှစ်တွင်နေမိမဂ္ဃဂိုင်းခန်းပျို့၊ဘုံခန်းပျို့
၊ငရဲခန်းပျို့ တို့ကိုရေးသားခဲ့သည်။
        ထိုမဂ္ဃဂိုင်းပျို့ ပင်ဖြစ်၍ ပျို့ဟောင်းဟုခေါ်သည်။ ထိုပျို့ဟောင်းကိုခွဲ၍ မန်လည်ဆရာတော်ကိုယ်တိုင် မဃဒေ၀လင်္ကာသစ်ဟု အမည်မှည့်ခေါ်ခဲ့ခြင်းဖြစ်သည်။ မဃဒေ၀လင်္ကာသစ်သည် ကြီးမားသော ဗဟုသုတများကို ပေးစွမ်းနိုင်သဖြင့် မဟာသုတကာရီ ဟူသောဝိသေသနဖြင့် အထူးပြုခြင်းဖြစ်
ပေသည်။ မဟာသုတကာရီ မဃဒေ၀လင်္ကာသစ်ကြီးပေါ်ထွန်းခဲ့သည်မှာ နှစ်တစ်ရာတိုင်ခဲ့ပြီဖြစ်ပါသည်။ မဃဒေ၀လင်္ကာသစ် ရာပြည့်အကြို ရာပြည့်အထိမ်းအမှတ်ဂျာနယ်မဂ္ဂဇင်းများနှင့် အခြားသော ဘာသာရေးဆိုင်ရာမဂ္ဂဇင်းများတွင် စပ်လျဉ်းသော ဆောင်းပါး ကဗျာ ၀တ္တုများကို ဖတ်ရှုခဲ့ရပါ
သည်။အချို့အချို့သောဆရာများ၏ စာမူများတွင် မာဃဒေ၀လင်္ကာသစ်ဟူ၍ ဖေါ်ပြပါရှိလေရာ များစွာ စိတ်အနှောက်အယှက်ဖြစ်မိပါသည်။မာဃဟုဖေါ်ပြ သုံးနှုန်းထားခြင်းသည် ဆရာတော်ကြီး၏ မူလအနက်အဓိပ္ပာယ်ကို လွဲမှားစေပါသည်။
    စာပေရေးသားသူ(သို့မဟုတ်)စာပေရိုက်နှိပ်သူ တစ်ဦးဦး၏ လွဲမှားမှုကို အထူးဂရုထား၍
 ဖော်ပြသင့်ပါသည်။ စာဖတ်သူအများစု၏ စိတ်အာရုံ၌ လွဲမှားမှုကို ထင်မှတ်စေတတ်၍ ဖြစ်ပါသည်။ ဆရာတော်ဘုရားကြီး၏ ထင်ရှားသောဝိသေသ တစ်ခုမှာ မကာရလောပပင်ဖြစ်သည်။
မကာရလောပဣဣဣသည် ပါဠိဘာသာစကားဖြစ်ပြီး မကာရ(မ+အက္ခရာ) လောပ -ကျေညက်ခြင်း ၊မတစ်လုံးကျေသည်ဟု ဖေါ်ပြထားသဖြင့် မသိသောအရာဟူ၍ မှတ်ယူနိုင်ပေသည်။
မ တစ်လုံးကျေ၏ အဓိပ္ပါယ်ကို မြန်မာ-အင်္ဂလိပ်အဘိဓာန်တွင် (n) highly knowledgeable person also -မကာရလောပ ဟုဖေါ်ပြထားပါသည်။ မ တစ်လုံးကျေသည် ကို အချို့ပုဂ္ဂိုလ်များကမိန်းမကျမ်းကျေ
သည်ဟု ယူဆကြလေသည်လားမသိပေ။ မန်လည်ဆရာတော်ကြီး၏ မဃဒေ၀
လင်္ကာသစ်အပိုဒ်(၂၉၇)စာကြောင်းရေ (၈)တွင်မယားဟူဘိ၊ထိုနှင့်၊မယှိမကောင်း၊ယှိမကောင်းဘဲ၊
မပေါင်းလည်းခက်၊ပေါင်းလည်းခက်၏ ဟုအထင်အရှား ရေးသားထားလျှက် စာရေးသူအချို့နှင့်ယောက်ကျားများက မိန်းမသားများကို ချိုးနှိမ်လိုသော သဘောဖြင့် မိမိလိုရာဆွဲ၍ မိန်းမဟူဘိ ထိုဣတ္ထိတို့မရှိမကောင်း၊ရှိမကောင်းတည့် ၊မပေါင်းလည်းခက် ပေါင်းလည်းခက်၏ ဟုရေးသားပြောဆိုကာ မန်လည်ဆရာတော်၏ မဃဒေ၀လင်္ကာကို အလွယ်တကူညွန်ပြပြောဆို
 ကြလေသည်။ မိန်းမသည် အမက္ကုတ္တိလိင်( female of the sex able to produce 0ffspring or lay eggs )ကိုဖေါ်ပြထားခြင်းဖြစ်ပြီးမယားသည် ဇနီး လင်ရှိသောသူ (woman who has a husband) ကိုရည်ညွှန်းသည်ဖြစ်ရာ မိန်းမဟူသည် ထိုဣုတ္ထိဟု ဆိုလိုက်သည်နှင့် ရှိရှိသမျှ အမဣုတ္ထိလိင်များဟု မှတ်ယူနိုင်ပေသည်။ ထိုသို့ကြောင့် များပင်လော ။ဆရာတော်ကြီးအားမိန်းမမကောင်းကြောင်း ရေးတဲ့
ဆရာတော်ကြီးဟူ၍ ထင်မှတ်မှားကြပေခြင်းပေလား? မန်လည်ဆရာတော်ကြီးသည် မိန်းမ မကောင်းကြောင်းကိုသာ ရေးဖွဲ့ထားသည်မဟုတ်ပါ။ ချီးမွမ်းသင့်သည့် မိန်းမမြတ်ပညာရှိ
များအကြောင်းကို မဃဒေ၀လင်္ကာသစ်၏ အပိုဒ်( ၃၁၄)တွင်ပညာမည်ညား၊ဤတရားလည်း
၊ယောက်ကျား၌သာ မဟူရာဘူး၊အမရာဒေ၀ီ ဘေရီဓမ္မဒိန္နာစသည် အပ္ပကဟူ၊နည်းငယ်မူကား၊
လူဝယ်ထိုသို့၊မိန်းမတို့လည်း ၊အချို့ပညာရှိတတ်စွာ၏  ဟူ၍လည်းကောင်း အပိုဒ် (၃၁၅)တွင် ကိစ္စတသီး၊အရေးကြီး၍ ၊မပြီးနိုင်က ၊ကျန်မရသော်၊မိန်းမကိုသာ၊တိုင်ပင်ရာဟု၊ပညာရှိများ အစဉ်ကြားလျှက် ထင်ရှားမိန့်မှာ၊ဥဒါန်းလာ၏  ဟူ၍လည်းကောင်းဖွဲ့ဆိုထားပါသည်။ အပိုဒ်(၃၁၃) တွင်မူ  လူရွာဌာန လူ့လောက၌ မိန်းမတို့သာ ကျင့်ယုတ်မာ၍ မိစ္ဆာဆိုးဝါး မဟုတ်ငြားဘူး  ယောက်ကျားတို့သည်လည်း
ပညာနည်းတို့၊စောင့်စည်းမရှိ၊မျိုးဣတ္ထိသို့၊မသိကျေးဇူး၊သူဂုဏ်ထူးကို၊ထိမ်မြူးချေတတ်၊ကျင့်မမြတ်တည့်ဟူ၍လည်း
 ယောက်ကျားယုတ်မာတို့အကြောင်း ရေးဖွဲ့ထားပါသည်။
    မဟာသုတကာရီမဃဒေ၀လင်္ကာသစ်သည် ယောက်ကျားမိန်းမအကြောင်းများကို ရေးဖွဲ့ထားသည်မဟုတ်ပါ။
လင်္ကာစာပေ ပညာနှင့်ပတ်သက်၍ အပိုဒ်(၉၈) တွင် လောင်းမင်းအသျှင်၊ဘ၀ရှင်၏၊ ထက်ခွင်မိုးက
၊မိုးကြိုးချသို့၊ကြီးလှရှိန်ဝါ၊မိန့်အာဏာကို  ဟူ၍လည်းကောင်းရာဇ၀င်နှင့်ပတ်သက်၍ မဟာသမ္မတမင်းကစ၍ သြက္ကာကထိ  အရှိတွက်ကိန်း၊ဂဏန်းချိန်းသော်၊နှစ်သိန်းငါးသောင်း
၊နှစ်ထောင့်ငါးရာ၊ငါးကျိပ်သာ၍သချာင်္နောက်ပွား ၊မင်းခြောက်ပါးတည့်   ဟု အပိုဒ်(၃၁)၌ ရေးသားထားပါသည်။  ကျန်းမာရေးနှင့်ပတ်သက်၍ သားချစ်ယူမှတ်၊ဤလူ့ဇာတ်၌၊
လျောက်ပတ်ကျင့်ငြား၊လျောက်ပတ်စားနှင့်၊ဆေးဝါးစာကြေ၊စားထွေကာလ၊ဗြဟ္မစာရီ၊ဤငါးလီမူ လောကီလူပေါင်း သက်ရှည်ကြောင်းတည့်ဟုအပိုဒ်(၃၂၇)တွင် လည်းကောင်း ၊စစ်ရေးစစ်ရာနှင့်ပတ်သက်၍ အပိုဒ်(၂၀၄)တွင် မိုးစဲမပွင့်၊ချိန်မသင့်ဝယ်၊စစ်ခွင့်စစ်ရေး၊သူဆောင်သွေးတိုင်း၊ရပ်ဝေးမြေတာ၊မချီရာဘူး၊လိမ္မာခွင့်သိ၊ပညာရှိတို့ ဟူ၍လည်းကောင်း၊ အဂ္ဂိရတ်ပညာနှင့်ပတ်သက်၍ ပညာဆေးဝါး၊အပါးပါးတည့်၊ပြဒါးမီးနေ၊သံသေဓာတ်
ပြာ၊ရသာယန၊သြသဓာတု၊အာယုဝါဇီ၊၀သီကရဏ ၊စသည်လိမ်းသပ် ၊စားပျိုအပ်နှင့်ဟု  အပိုဒ်(၁၃၃)၌ လည်းကောင်းဖွဲ့ဆိုရေးသားခဲ့ပါသည်။
    အချုပ်အားဖြင့်ဆိုလျှင် မဃဒေ၀လင်္ကာသစ်သည် လောကုတ္တရာအဖြာဖြာသောဗဟုသုတများကို
 ပေးစွမ်းနိုင်သောအဖိုးထိုက် ကျမ်းမြတ်ရတနာတစ်ပါးဖြစ်ပေသည်။သို့ပါ၍ ကျေးဇူးရှင် ပထမ မန်လည်ဆရာတော်ကြီးနှင့် စပ်ဆိုင်သမျှသောအကြောင်းအရာများကို ထုတ်ဖေါ်ရေးသားကြမည်
ဆိုပါလျှင် သေသေချာချာဂဃနဏလေ့လာ ရေးသားကြခြင်းဖြင့်ဆရာတော်၏ဂုဏ်သိက္ခာကိုစောင့်ထိန်းကြစေလိုပါသည်။သို့မဟုတ်ပါမူ ကျွန်တော်တို့ငယ်စဉ်က သင်ကြားနာယူခဲ့ဘူးသော မျက်မမြင် ပုဏ္ဏားခြောက်ဦး၏ ဆင်ကိုစမ်းသော ပုံပြင်သဖွယ်ဖြစ်မည်မှာ မလွဲဧကန်ပေလိမ့်မည်။        


                                                                                                                       နိုင်မောင်မောင်

Posted in: ဆောင်းပါး, နိုင်မောင်မောင်