တာချီလိတ်ိမြို့တွင် ၁၅၀၀ ကျပ်တန် CDMA -800 MHz SIM Card များစတင်ရောင်းချ

          တာချီလိတ် ဧပြီ ၂၄

 တာချီလိတ်မြို့တွင် ဧပြီ ၂၃ ရက်နေ့က  ၁၅၀၀ ကျပ်တန် CDMA -800 MHz SIM Card ၇၀၀ကို မဲနှိုက်ရွေးချယ်ခဲ့သည်။လျှောက်ထားသူ ၉၄၀  ဦး ရှိခဲ့ပြီး မဲမပေါက်၍ ကျန်ရှိသူများအား နောက်တစ်သုတ်တွင် လျှောက်လွှာထပ်တင်စရာမလိုဘဲ ဆက်လက်မဲဖောက်ပေးသွားမည်ဖြစ်ကြောင်း သိရှိရသည်။မဲပေါက်သူများအားယနေ့ ဧပြီ ၂၄ ရက်နေ့ နံနက် ၉ နာရီမှစပြီး မြို့နယ် အထွေထွေ အုပ်ချုပ် ရေးဦးစီးဌာနရုံးမှာ  SIM Cardများ စတင်ရောင်းချလျက်ရှိသည်။။ ယနေ့အရောင်းပိတ်ချိန်ထိ SIM Card ၃၇၀ ရောင်းချပြီးဖြစ်သည်။ ကျန်ရှိသော SIM Cardများအားဧပြီ၂၆ရက်နေ့အထိ ဆက်လက်ရောင်းချ ပေးသွားမည်  ဖြစ်ကြောင်းလည်းသိရှိရသည်။ SIM Card ရောင်းချသည့်နေရာတွင် Hand set အရောင်းဆိုင် ၂ ဆိုင်မှ လည်း Hand set  များလာရောက်ရောင်းချနေသည်ကိုလည်းတွေ့ရှိရသည်။ Hand set အမျိုးအစားများကတော့  တရုတ်နိုင်ငံမှလာသောHandset များဖြစ်ပြီး  ၀ယ်လိုအားနည်း သည်ကို တွေ့ရသည်။ တာချီလိတ်ဒေသခံပြည်သူများအနေဖြင့် အကောင်းကြိုက်သူများဖြစ်သည့်အတွက် အမျိုးအစားကောင်း Hand set များလိုလားကြသည်။ငွေဖြည့်ကတ်များကို တော့ အဆွေတော် မီနီမတ်မှာ ၀ယ်ယူရရှိနိုင်ကြောင်းသိရှိရသည်။

                                                                                                ခရိုင်ပြန်/ဆက်

Posted in: သတင်း