၂၀၁၅ခု သြဂုတ်လ(၄)ရက်နေ့ နံနက်ပိုင်းတွင် တာချီလိတ်မြို့နယ်ပညာရေးမှူးဦးစိန်ထွန်းလှ
ဦးဆောင်သော လက်ထောက်မြို့နယ်ပညာရေးမှူးဦးစိုင်းရှဲန်ရွက်ပါဝင်သည့် ပညာရေးဝန်ထမ်း
(၁၃)ဦးသည် ခေါက်ဆွဲဖာများ၊ရေသန့်၊အ၀တ်အစားများ ယူဆောင်လျက် ပါလျိုးကျိုင်းလပ်ဒေသ
ကယ်ဆယ်ရေးဆောင်ရွက်နိုင်ရန်ကွင်းဆင်းခဲ့ပါသည်။
တံတားများကျိုးနေသဖြင့် သွားလာရေးအခက်အခဲများအရ လက်ထောက်မြို့နယ်ပညာရေးမှူး
ဦးစိုင်းရှဲန်ရွက်ဦးစီးစေပြီး မြို့နယ်ပညာရေးမှူးဦးစိန်ထွန်းလှသည်ပြည်နယ်စစ်ဆေးရေးအဖွဲ့
လာရောက်သည့်ခရီးစဉ်အတွက် တာချီလိတ်မြို့ပေါ် ပြန်လည်ရောက်ရှိပြီး ပညာရေးစီမံခန့်ခွဲရေး
လုပ်ငန်းများ ဆက်လက်လုပ်ဆောင်ခဲ့ပါသည်။
ဖုန်းသတင်းရရှိချက်များအရ မိုင်းပါလျိုးအုပ်စု နမ့်ဖျန်ကျောင်းမှာ အဆောက်အဦများပြိုပျက်ပြီး
ရေထဲမျောပါသွားခဲ့ကြောင်း ၊ အမက-၀မ်မီးမိုင်မှာ ကျောင်းနံရံများပွင့်ထွက်သွားပြီး ခုံများရေထဲမျောပါသွား
ကြောင်း၊ နမ့်ကိုင်း အခြေခံပညာမူလတန်းလွန်ကျောင်းမှာ ကျောင်းဆောင်ဟောင်းနံရံတခြမ်း
ပြိုကျခြင်း၊ ကျောင်းအဆောက်အဦးတွင်း ကန့်ထားသောနံရံအားလုံးပြိုကျကြောင်း၊ ကျောင်း
အဆောက်အဦးထဲတွင်သစ်ပင်ရွံ့နွံများ ပြည့်နှက်နေကြောင်း ခုံများရေထဲမျောပါကုန်ကြောင်း
ကျောင်းဝန်ထမ်းအိမ်ရာပျက်စီးသွားပြီး အဆောက်အဦးပျက်ထဲတွင် ရွံ့နွံ့ပေါင်လောက်ရှိသေး
ကြောင်း၊အလယ်တန်းပြဆရာမ ဒေါ်မာမာရီ၏သမီး ရေထဲမျောပါ ပျောက်ဆုံးနေကြောင်းသိရှိ
ရပါသည်။
တာချီလိတ်မြို့နယ်ပညာရေးဌာန ကယ်ဆယ်ရေးအဖွဲ့သည် ၅.၈.၁၅ ရက်နေ့ (၉း၀၀)နာရီတွင်
မူလွန်နမ့်ကိုင်းသို့ ရောက်ရှိကူညီလျက်ရှိကြောင်းသိရှိရပါသည်။
တာချီလိတ်မြို့နယ်ပညာရေးဌာနသည် (၅.၈.၁၅) ရက်နေ့ နံနက်(၉း၀၀) နာရီတွင် မြို့နယ်တွင်း
ရှိ ပညာရေးဌာန ကျောင်းအုပ်ကြီးများအား အရေးပေါ်ခေါ်ယူတွေ့ဆုံ၍ ရေးဘေးကူညီရေးလုပ်ငန်း
များ ဆက်လက်ဆောင်ရွက်နိုင်ရေးအတွက် အစည်းအဝေးပြုလုပ်ခဲ့ပါသည်။ အစည်းအဝေးတွင်
မြို့နယ်ပညာရေးမှူးဦးစိန်ထွန်းလှ ၊လက်ထောက်မြို့နယ်ပညာရေးမှူး ဦးမြင့်ဝင်းလှတို့မှ ဦးဆောင်ပြီး
ကယ်ဆယ်ရေးအတွက် လိုအပ်သည့် အစီအစဉ်များကို ချပြ ညှိနှိုင်းပြီး ညနေ(၂း၀၀) နာရီတွင်
တာချီလိတ်မြို့နယ်ပညာရေးဝန်ထမ်းများ ဒုတိယအကြိမ်လှူဒါန်းသည့် ငွေနှင့်ပစ္စည်းများကို
သွားရောက်ပို့ဆောင်ရန် ဆုံးဖြတ်၍ အစည်းအဝေးကို အောင်မြင်စွာ ရုပ်သိမ်းခဲ့ကြောင်း
သတင်းရရှိပါသည်။
တာချီလိတ်ခရိုင်ပြန်/ဆက်မှ ဓာတ်ပုံမှတ်တမ်းအချို့ကို မှီငြမ်းတင်ပြခဲ့ကြောင်း ၀န်ခံပါသည်။
သတင်း / ဓာတ်ပုံ မြတ်မျိုးမြင့်မာန်
0 comments:
Post a Comment